Nel Ngabo yatuye Se Album ye ya mbere yise Ingabo

Nel Ngabo umwe mu bahanzi bagize Label ya Kina music yatangaje ko agiye kugurisha Album ye ya mbere yise “Ingabo” avuga ko azayitura ingabo zitanze ku rugamba rwo kubohora igihugu harimo n’umubyeyi we.

Iyi Album ye ya mbere avuga ko azatangira kuyigurisha taliki ya 4 Nyakanga 2020 abikoreye Online. Uwo muzingo uzaba ugizwe n’indirimbo 13 harimo izamenyekanye nka “Nzahinduka, Why, Ntibikabe, Ya Motema” n’izindi.

Nel Ngabo abinyujije ku rukuta rwa Instagram yavuze ko izina “Ingabo” yahaye iyi Album ye risobanuye ibintu byinshi.

Ati “Ingabo isobanuye byinshi kuri njye kuko ariyo yatangije urugamba rwanjye muri muzika
Nkaba narayituye ingabo zitanze ku rugamba rwo kubohora igihugu kugira ngo tube turi aho turi ubu by’umwihariko umubyeyi wanjye (Papa) kuko ni umwe muri abo kandi akaba yaranashyigikiye impano kuva cyera.”

Yaboneyeho no gushimira abantu bose bagiye bamufasha harimo abahanzi, Label ndetse n’abafana bamweretse urukundo kuba agitangira umuziki.

Nel Ngabo agiye kumurika iyi Album amaze umwaka umwe asinye muri Kina Music yagiye asangamo abandi bahanzi barimo Butera Knowless na Igor Mabano.


Album ye izaba igizwe n’indirimbo 13

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO