Ed-Sheeran na bagenzi be bamaze kwiyemeza gukora igitaramo cyo gufasha abaturage ba Ukraine

Umuhanzi Ed-Sheeran, Camila Cabello hamwe na Emeli Sande bamaze gufata umwanzuro wo gukora igitaramo kigamije gufasha abaturage ba Ukraine bakomeje kugerwaho n’ingaruka zikomeye z’intambara Uburusiya bwashoje kuri iki gihugu.

Benshi mu bahanzi bagaragaje urukundo n’impuhwe batewe n’ibiri kuba muri Ukraine cyane cyane ku badafite kivurira.

Umutima wanjye ufitiye impuhwe nyinshi abaturage ba Ukraine ibi byatangajwe na Camila Cabello ubwo yashyiraga hanze itangazo rijyanye n’iki gitaramo barimo gutegura, kigamije gufasha impunzi z’igihugu cya Ukraine aho bakomeje guhura n’ibibazo bitandukanye kandi bakeneye ubufasha.

Ed-Sheeran, Camila Cabello hamwe na Emeli Sande babaye abahanzi ba mbere batangaje iki gitaramo cyo gushyigikira abaturage ba Ukraine gusa kuri ubu abahanzi barimo Gregory Porter na Snow Patrol nabo bamaze kwemera ko iki gitaramo kizaba kuwa 29 Werurwe 2022 kikabera mu mujyi wa Bamingham mu gihugu cy’Ubwongereza.

Aba bahanzi bakomeje bavuga ko icyo bashaka ari ugushyiraho ikigega kigamije kugoboka abaturage ba Ukraine muri iyi minsi batorohewe aho abenshi bakomeje kubaho mu buhunzi kandi badafite epfo na ruguru.

Abazitabira iki gitaramo bazashobora kwishyura amafaranga yagenwe maze bizatume ayo mafaranga agoboka benshi mu baturage ba Ukraine b’impunzi ubu bari hirya no hino mu bihugu by’abaturanyi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO