Ngaya amakosa umugore akora agasenya urugo rwe atabizi

Mu by’ukuri hari ibintu umugore akora mu rugo we akabifata nk’ibisanzwe kandi ataziko arimo kwisenyera urwe ndetse akazisanga atagifite igaruriro, Rimwe na rimwe abantu batekereza ko ibintu bisenya urugo ari ibikomeye gusa ibifatwa nk’ibyoroshye nibyo bishobora kurusenya.

Urubuga Lifehack rukunze kuvuga cyane ibijyanye n’imibanire y’abashakanye rwatangaje amwe mu makosa akunzwe gukorwa n’abagore bagasenya ingo zabo nyamara bo babigize ibintu byoroheje.

Dore amakosa akunze gukorwa n’abagore bakisenyera buhoro buhoro batabizi

1.Guhora iteka werekana ko wagowe

Abagore benshi bakunze kugwa mu mutego wo guhora berekana iteka ko bagowe, bityo bagakoresha intwaro yo kuvuga nabi abagabo babo biciye mu kugenda baganyira abo bahuye bose.

Ibi biherekezwa no kuvuga nabi abagabo babo, aho usanga ububi bw’abagabo aribyo buri gihe bavuga, kuri iyi ngingo rero iyo uhuye n’umujyanama mubi ashobora kugufasha gusenya urugo rwawe bucece.

2. Kugira abo ushyira imbere kurusha umugabo wawe

Mu by’ukuri umugabo mwasezeranye akaramata nta wundi muntu wari ukwiye kumurutisha, ndetse usanga hari abagore barutisha abagabo babo ibindi bintu bitandukanye birimo nk’amafilimi n’ibindi bitandukanye,ugasanga abandi bantu cyangwa ibindi bintu ubirutishije umugabo wawe mwasezeranye akaramata kuburyo umuburira umwanya ugasanga ahubwo hari ibindi ugenera umwanya munini kumurusha.

Iteka zirikana ko ukwiye guha umwanya munini umugabo wawe bitabaye ibyo urimo urarusenya utabizi.

3.Kumva ko uhora mu kuri

Iyo umugore adashobora kwemera amakosa ngo ace bugufi ahubwo agahora yumva ko ari mu kuri bituma atera umugabo we umutima mubi ndetse akanabona ko atamwubaha uko bikwiye kuko umugabo atangira kubona ko umugore atagira umutima wo guca bugufi ibyo rero bishobora gusenya kuko abagabo benshi bifuza ko abagore babo babubaha bidasabye kumera nk’aho bahanganye.

4.Gukoresha imibonano mpuzabitsina nk’iturufu yo kugirango umugabo aguhe icyo wifuza

Abagore bamwe na bamwe bafatirana abagabo babo bakabasaba ibyo bifuza mu gihe babasabye ko bakuzuza inshingano z’urugo.

Iyo rero ubikora gutya uri umugore, uba wirengagije ko ibyo ari inshingano zawe kandi uba ukomeje kwisuzuguza imbere y’umugabo wawe bityo umugabo wawe agatangira gufata umubiri wawe nk’igikoresho kuko aba abona ko nawe ari ko uwufata ndetse ibi bishobora gutuma umugabo wawe atongera kuzuza izi nshingano yishimye kubera iyi mpamvu, aha rero menya ko utangiye gusenya urugo rwawe bucece.

5.Guhora wibutsa umugabo wawe ibyahise

Hari abagore benshi bakunda kuririra ku kantu gato ugasanga barimo kuzura ibyahise wenda umugabo atitwayemo neza ndetse ibyo bituma umugabo abonako uri umugore udashobotse ugamije gusenya.

Ni ngombwa rero ko niba ushaka kubaka ureka ibyahise ahubwo ukareba ibijya mbere .

Ngibi ibintu by’ingenzi umugore wese wifuza kubaka urugo rugakomera akwiriye kwirinda bityo rugasugira ndetse rugasagamba .

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO