Ngaya amakuru agezweho mu igura n’igurishwa ry’abakinnyi ku mugabane w’I Burayi

Amakipe akomeje kwifuza abakinnyi batandukanye mu rwego rwo kwiyubaka ndetse amakipe amwe n’amwe akomeje kurwanira abakinnyi kuburyo bukomeye.

Ikinyamakuru the Mirror kiratangaza ko umukinnyi w’Umwonereza usanzwe ukinira ikipe ya Leeds United witwa Kalvin Phillips kuri ubu ufite imyaka 26 yamaze kubwira ikipe ye ko yifuza gusinya andi masezerano mashya muri iyi kipe.

Kuri ubu yamaze gukurira inzira ku murima amakipe yamwifuzaga arimo Manchester United, Liverpool, Newcastle United, Aston Villa n’izindi kipe zose zamwifuzaga ko zigomba gusubiza amerwe mu isaho.

Ikinyamakuru The Telegraph kiratangaza ko ikipe ya Manchester United yamaze kwerekeza mu ikipe ya Benifica Lisbon aho bifuzamo rutahizamu ukomoka mu gihugu cya Urguay witwa Darwin Nunez aho bifuza kumutangaho Miliyoni 60 z’amayero.

Ikinyamakuru Football.London kiratanagaza ko ikipe ya Arsenal yamaze kwerekeza mu ikipe ya Juventus aho yifuzamo umukinnyi Paul Dibala ukomoka mu gihugu cya Argentine aho uyu mukinnyi w’imyaka 28 yifuzwa bikomeye n’umutoza Mikel Arteta.

Ikinyamakuru The Sun kiratangaza ko ikipe ya Everton yamaze gufata umwanzuro wo kugurisha abakinnyi bayo b’inkingi za mwamba barimo umunya Brazil Richarlison ndetse n’Umwongereza kabuhariwe Dominic Calvert Lewin.

Ikinyamakuru Carciomercato cyandikirwa mu Butaliyani kiratangaza ko ikipe ya Inter-Milan irimo gushaka uburyo yakongera kwegukana Umubiligi w’imyaka 28 Romelu Lukaku.

Ikinyamakuru Corriere Dello Sport kiratangaza ko ikipe ya Manchester United irimo gushaka bikomeye umukinnyi Tammy Abraham kuri ubu umaze gutsindira ikipe ya As Roma ibitego 23.

Ikinyamakuru Tuttosport kiratangaza ko ikipe ya AC- Milan yerekeje mu ikipe ya Real Madrid aho yifuza bikomeye umukinnyi Marco Assensio.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO