Ni icyemezo cyamugoye… MC Tino yasezeye Royal fm ajya kuri Radio y’I Rusizi

Umunyamakuru, umuhanzi akaba n’umushyushyarugamba MC Tino yasezeye kuri Radio ya Royal yari amazeho imyaka itanu yerekeza ku y’indi nshya ikorera I Rusizi.

Iyo nshyashya yagiyeho yitwa Country FM yashinzwe n’umuhanzi Nduwayo Jean Paul uzwi nka Noopja usanzwe anafite Studio ya Country Records ikoreramo Producer Element.

Aganira na Genesisbizz/TV yavuze ko agiye gukorera kuri iyi Radio nshya ariko Atari uko yamurutiye Royal Fm.

Ati “Ngiye gukorera Rusizi ni Radio nshyashya izajya ivugira kuri 91.3 izakorera mu mujyi wa Kamembe. Ntabwo yandutiye Royal kuko ifite izina ariko ni izindi nshingano cyangwa andi mahirwe kuko nzaba nshinzwe ibiganiro mfashe n’abanyamakuru bahariya kwiteza imbere.”

Kuba amenyereye gukorera mu mujyi wa Kigali akaba agiye mu ntara kandi kure cyane y’umujyi ngo ntabwo bizamugora kuko naho asanzwe ahafite abafana.

Ati “Ubuzima iyo buhindutse ibintu bibanza kukugora ni nko kwimuka mu nzu bibanza kukugora ariko nyuma ukamenyera. Gusa Rusizi si ubwa mbere mpagiye nsanzwe mpafite abafana bizoroha ntakibazo.”

Tino wamenyekanye mu itsinda rya TBB asanzwe akora umuziki ku giti cye. Nubwo agiye Rusizi ngo ntibizatuma awuhagarika.

Avuga ko azajya agaruka i Kigali muri weekend ahure na Producer we Papito bakore indirimbo.


Tino avuga ko azakomeza gukora n’umuziki ntakabuza

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO