Niba uri mu rukundo ruhamye dore ibintu bizagufasha kwirinda gufuhira umukunzi wawe

Abahanga mu bijyanye n’urukundo batangaza ko akenshi mu rukundo gufuhira umukunzi wawe ngo ni ikimenyetso cyerekana ko umukunda gusa nanone zirikana ko gukabya bishobora kugusenyera cyangwa bikagutandukanya n’umukunzi wawe gusa hari ibintu wakora bityo ukitandukanya no gufuhira umukunzi wawe.

Dore bimwe mu bintu bishobora kugufasha kwirinda gufuhira umukunzi wawe.

1.Irinde kumugenzura cyane

Niba ufite uwo ukunda kandi ukaba uziko mukundana byukuri uzirinde gucungacunga cyangwa kugenzura umukunzi wawe kuko uzasanga akenshi iyo ugenzura cyane uwo ukunda bituma utangira kumukekera ibintu kandi adakora bityo bigatangira gutuma umufuhira.

2. Gerageza wirinde kugira ishyari
Akenshi usanga ishyari ari ikintu gishobora gutuma ufuhira umukunzi wawe ndetse ugatangira kumva ko mu gihe arimo kuvugana n’abandi bantu badahuje igitsina wenda arimo kuguca inyuma iki gihe rero uba watangiye kugira ishyari ry’ubusa kandi ibi bishobora gutuma umufuhira birengeje urugero bikaba byanatuma mutandukana.

3. Kwirinda kumva amabwire

Ntukwiye kumvirana ibyo abantu bakubwiye ngo ubisamire hejuru uhite wumva ko ari ukuri byose kuko ari kimwe mu byatuma uta umutwe ugatangira gufuhira umukunzi wawe.

4. Irinde kugaragaza uburakari

Birashoboka ko hari ikintu runaka kitagushimishije wabonye ku mukunzi wawe ndetse ugatangira kumva ifuhe ryinshi mu mutima ni ngombwa rero kugerageza kugabanya uburakari kuko ushobora gutuma abibonako wafushye bikabije bikangiza umubano wanyu, icyakora ushobora gufata umwanya muto mu gihe utarakaye ukaba wamubwira ko hari ibitaragushimishije bityo mukabasha kuruhuka mwembi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO