Menya imimaro itanu yo gusomana n’umukunzi wawe n’ibyo abatabikora bahomba

Gusomana n’umukunzi wawe menya ko ari ingenzi cyane mu rukundo rwanyu niba koko ruhamye. ese ubundi ni iki gusomana bihindura mu rukundo rwa babiri? ubushakashatsi bugaragaza ko abagabo bava mu rugo basomye abagore babo bibarinda impanuka ndetse bakanagira umunsi urimo ibyishimo.

Muby’ukuri ubundi bushakashatsi bwakozwe n’impuguke mu bijyanye n’urukundo bwagaragaje ko abagabo basoma abagore babo cyangwa abasore basomana n’abakunzi babo ngo bibongerera kuramba, ndetse bikanabafasha gukorana umurava mu kazi kabo k’uwo munsi kuburyo bakora akazi neza kurusha abadasomana n’abakunzi babo.

Ese ujya usoma umukunzi wawe maze ukamubwira ko umukunda mbere yo kujya ku kazi?

Wari uziko hari imimaro ibi bifite ku mubano wanyu mu kugirango urambe ndetse n’urukundo rusugire kandi rusagambe.

Reka tugaruke ku mimaro itanu yo gusomana n’umukunzi wawe utari uzi.

1.Gusomana n’uwo ukunda by’ukuri birema ikizere gihambaye hagati yanyu

Mu by’ukuri gusoma umukunzi wawe ndetse ukamubwira amagambo meza y’urukundo buri gitondo bifasha umwunganizi wawe kumara umunsi wose yishimira ko afite umuntu umukunda by’ukuri.

Mu by’ukuri benshi batandukana cyangwa umubano ugacumbagira kenshi haba habuzemo iki kintu ngaho rero ntugatume ibi bikubaho haranira kunezeza uwo wihebeye.

2.Gusomana hagati y’abakundana byongera ubwisanzure hagati yabo

Kuri iyi ngingo gusomana nuwo ukunda by’ukuri bifungura amarembo magari yo kwisanzura mu bijyanye n’ibiganiro hagati yanyu, ndetse uko muganira mushize amanga ibi bituma buri umwe amenya niba mugenzi we yishimye ndetse ubone bimuteye ishyaka ryo kurushaho kugira inyota yo kugushaka ngo murusheho kumarana ikindi gihe cyisumbuyeho muganira.

3.Gusomana nuwo ukunda by’ukuri bituma urukundo rwanyu rukura

Gusomana buri munsi bituma urushaho kubaho nkuri mu nzozi ndetse bigatuma buri kimwe cyose ukoranye n’umukunzi wawe kibazanira umunezero wa buri munsi.

4. Gusomana nuwo ukunda by’ukuri bituma umunsi wawe uba agatangaza

Niba Wenda hari ibitagenze neza mu kazi cyangwa hari ikibazo cy’amafaranga ndetse n’uburwayi bwugarije umuryango ibi byose bibasha guhoshwa no gusomana hagati y’abakundana bityo bikazana agahenge n’amahwemo.

5.Gusomana n’umukunzi wawe bifitiye akamaro gakomeye umubiri wacu

Gusomana nuwo ukunda by’ukuri bifasha umutima cyane kuko umubiri uhita uvubura imisemburo yitwa "Adrenaline" bityo amaraso akabasha gutembera neza mu mubiri.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO