Niba uri umukunzi wa ruhago dore ubuzima n’amateka ya Jimmy Gatete abenshi bataziraga Imana y’ibitego

Jimmy gatete ni uymukinnyi utazibagiranwa mu mitwe y’Abanyarwanda nyuma yo gufasha ikipe y’igihugu Amavubi kwerekeza mu gikombe cy’Afurika rukumbi u Rwanda rwitabiriye mu mwaka wa 2004 kikabera mu gihugu cya Tunisia.

Ubusanzwe amazina yamamayeho ni Jimmy Gatete icyakora amazina nyakuri yahawe n’ababyeyi be yitwa Jean Michel Gatete ndetse yabonye izuba kuwa 11 Ukuboza mu mwaka wa 1979 ndetse arimo kwitegura kuzuza imyaka 43 y’amavuko.

Jimmy Gatete yakunze kwigaragaza cyane nka rutahizamu w’umuhanga ubwo yabaga yahamagawe mu ikipe y’igihugu Amavubi akabasha gutsinda ibitego bikenewe kandi ahantu bikenewe cyane.

Gatete Jimmy yanyuze mu makipe atandukanye hano mu Rwanda harimo ikipe ya Mukura Victory Sports,Rayon Sports,APR FC ndetse na Police FC.

Jimmy Gatete kandi yakinnye igihe gito mu makipe yo hanze y’u Rwanda harimo ikipe yo muri Afurika y’epfo n’indi yo muri Ethiopia.

Nyuma yo gusoza gukina umupira w’amaguru Jimmy Gatete yavuye mu bijyanye n’umupira w’amaguru ahita yerekeza mu gihugu cya Leta Zunze Ubumwe za Amerika.

Jimmy Gatete mbere gato yo kwamamara mu Rwanda yakuriye mu gihugu cy’u Burundi i Bujumbura.

Ntabwo wavuga amateka ya Jimmy Gatete ngo wirengagize ibitego by’ingenzi yatsindiye Amavubi kuburyo bidashobora kuzibagiranwa mu mateka y’u Rwanda ndetse muri ibyo bitego harimo igitego yatsinze Uganda n’ikindi cy’umutwe yatsinze igihugu cya Ghana.

Kuri ubu Jimmy Gatete atuye muri Leta Zunze Ubumwe za Amerika ndetse uyu mugabo afite umugore n’abana babiri.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.