"Nibizi J Claude" Umuhanzi w’indirimbo zo kuramya no guhimbaza Imana yatanze ubutumwa bukomeye

Umuhanzi w’indirimbo zo kuramya no guhimbaza Imana, Nibizi Jean Claude yatanze ubutumwa bukomeye mu mashusho y’indirimbo yashyize hanze yise "Uri Uwera".

Uyu muhanzi usanzwe uba mu gihugu cya Afurika y’epfo avuga ko yatangiye kuririmba kera cyane akiri muto. Avuga ko yamenye ubwenge abona aririmba mu rusengero.

Bwa mbere uyu muhanzi akora indirimbo hari mu mwaka wa 2006.

Kugeza ubu amaze kugira alubumu ya mbere yise ""VUGA"" hakaba hari ho indirimbo eshanu (5) zifite amashusho n’izindi icumi (10) zikoze mu buryo bw’amajwi.

Muri iyi ndirimbo nshya yise "Uri Uwera" atangamo ubutumwa bukomeye bugaruka ku bihe Isi irimo.

Yagize ati " Ubutumwa burimo, ni uko isi yose yugarijwe n’icyorezo, abantu bari mu gihirahiro. Abantu benshi babuze ibyiringiro, imfu za hato na hato, umuti ntawundi ni ukurushaho kwegera Imana kuko niyo mugenga wa byose".

"Icyo Imana ishaka ko tuba kizaba, icyo bidusaba ni ukuyiyegurira gusa tukaba mu bwiza bwayo."

Reba indirimbo "UR’UWERA" hano

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO