Nick Dimpoz agiye kugaragara muri Film yitwa ‘Mazane’ ari igikomangoma

Umukinnyi wa Filime Nick Dimpoz umenyerewe muri filime y’uruhererekane ya City Maid agiye kugaragara mu y’indi yitwa ‘Mazane’, aho aba akina ari igikomangoma ajya gushaka umukobwa wahunze aba yarateye inda.

Nick Dimpoz ufite impano yo kubyina imbyino za Kinyarwanda, Kuririmba no gukina filime agiye kugaragara mu y’indi ishingiye ku muco wo ha mbere.

Mazane… Ni film irimo amateka y’ingoma z’abami, inkuru yayo ikoze mu buryo bwa gakondo.

Ntabwo ishingiye ku muco Nyarwanda gusa ifitanye isano n’umuco wa Afurika kuko imibereho yabo yari imwe haba mu myambarire ndetse n’imirire mugihe cyo ha mbere.

Iyo filime y’uruhererekane izaba yitwa ‘Mazane’, agace kayo ka mbere ngo biteganyijwe ko kazajya hanze mu kwezi kwa Mutarama 2020.

Dushimimana Prudence Robin wakoze iyo film yaganiriye na Genesisbizz atubwira byinshi kuri yo.

Ati “Twatekereje inkuru ivuga ku mateka y’Abanyafurika bo hambere kuko wasangaga imibereho, imyambarire, umuco hose byari kimwe mbere y’uko haza abazungu.”

Iyo filime irimo ahakinirwa mu ishyamba ndetse n’ahandi bakinira mu ngoro y’Ibwami.

Nick Dimpoz muri iyo filime azakina ari umwana w’umwami (Igikomangoma). Azaba afite umugore w’Ibwami ubyara abakobwa gusa n’undi aba yarateye inda bakabyarana umuhungu ariko agahunga kubera ko aba ari amahano.

We ava I Bwami akajya mu ishyamba guhiga uwo mukobwa wabyaye umuhungu kugirango amuzane I Bwami nubwo. Uwo mukobwa nawe anyura mu bibazo byinshi arwana n’ubuzima arinda n’umwana we.

Iyi filime izasohoka muri Mutarama ngo izabanza yerekanwe mu duce dutandukanye two muri Kigali nyuma ishyirwe no ku mbuga zinyuranye.

Genesisbizz

Related Articles

TANGA IGITEKEREZO