Nick Dimpoz yakoze indirimbo yo mu bukwe

Ndayizeye Emmanuel uzwi ku mazina ya Nick Dimpoz mu mwuga wo gukina filime no kuririmba yasohoye indirimbo nshya yise ‘Umwiza’ avuga ko ari iyo gukoresha mu bukwe mugihe cyo gusaba no gukwa umugeni.

Nick ni umwe mu bagabo bamaze kubaka izina muri Sinema Nyarwanda byumwihariko muri filime y’uruhererekane yitwa City Maid inyura kuri televiziyo Rwanda.

Uretse sinema ni umubyinnyi w’imbyino za gakondo dore ko we afatanyije n’umugore we bashinze itorero ryitwa Intayoberana.

Mu muziki naho ntabwo yahatanzwe kuko ubu amaze gukora indirimbo nyinshi zagiye zimenyekana harimo nka ‘Washa Moto’, ‘Uzaba umbwira’, ‘Vitamin’ na ‘Ndagukumbuye’. Nick ubu yasohoye indi ndirimbo nshya yise ‘Umwiza’ iri mu njyana ya gakondo.

Muri iyo ndirimbo aba aririmba ati “Tambuka neza mwiza uzira umwanda iyizire umwiza ubaruta bose, nkundira nkuririmbe mu kobwa w’imico myiza, uyu munsi ni uwawe ntutinye, tambuka ababyeyi baguhe impundu baguteteshe, urungano rugushagare maze usange Rwema aguteteshe.”

Aganira na Genesisbizz yavuze ko iyi ndirimbo ajya kuyikora yayihimbiye umukobwa wakoze ubukwe. Ati “Indirimbo nayise Umwiza kuko ari indirimbo yo gusohora umugeni mu gusaba no gukwa mbese n’indirimbo itaka umwiza.”

Mu buryo bw’amajwi iyi ndirimbo yatunganyijwe na Producer Iyzo naho amashusho yayo akorwa n’uwitwa Muhire Visuals.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO