Nijeriya yatangije umushinga wo gukora inkingo za Covid-19

Igihugu cya Nijeriya cyatangiye umushinga wo gukora inkingo za covid-19 zikorewe imbere mu gihugu. Impuguke mu nzego z’ubuzima zitangaza ko nibura bakeneye kuba bakora umubare uri hejuru y’inkingo 100,000 basanzwe batunganya buri munsi kugirango bazabe bamaze gukingira umubare w’abaturage benshi mu mpera z’umwaka utaha.

Perezida wa Nijeriya yatangaje kuri televiziyo y’igihugu ko bakomeje gushakisha uburyo babona cyangwa bakagura inkingo binyuze muri gahunda ya COVAX kugirango bakingire nibura 70% by’abaturage bose.

Nijeriya yahawe inkunga y’inkingo gusa zimwe muri zo zaburaga igihe gito cyo kuba zakoreshwa bituma iki gihugu kimena inkingo za covid-19 zisaga miliyoni mu kwezi kwa dusoje kwa Ukuboza 2021.

Perezida wa Nijeriya yakomeje avuga ko bakiri gukorana na minisiteri y’ubuzima mu kugenzura no gutunganya izi nkingo bityo ko hakiri kare kuba bahita bavuga ko umushinga wagenze neza.

Muri Nijeriya hamaze kugaragara abantu basaga 254,404 banduye covid-19 n’abantu 3,058 bishwe n’iki cyorezo kuva cyagera ku isi mu mpera z’umwaka wa 2019 nk’uko tubikesha inzego z’ubuzima zo muri iki gihugu.

Muhammadu Buhari perezida wa Nijeriya

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO