Niyonzima Haruna arifuza kujyana Amavubi muri CAN mbere yo gusezera kuri ruhago

Kapiteni w’ikipe y’igihugu Amavubi Niyonzima Haruna yatangaje ko yifuza kuzajyana Amavubi muri CAN Mbere yo gusezera ku mupira w’amaguru iyo ikazaba ariyo mpano azaba asigiye Abanyarwanda mu myaka 15 amaze ayikinira.

Ibi Haruna yabitangaje ku munsi w’ejo ubwo bari basoje imyitozo yo kwitegura umukino bari bukine n’ ikipe y’igihugu ya Mozambique .

Muri icyo kiganiro Haruna yatangaje ko biteguye neza mu minsi mike bamaze mu mwiherero kandi akaba yizeye ko kuri uyu mukino bari bwitware neza nta kabuza nkuko bahora babyizeza Abanyarwanda.

Abajijwe icyo yasaba bagenzi be yavuze ko gahunda yabasaba ari ugukomeza bagakorera hamwe n’ingufu nyinshi bakareba ko uyu munsi bakura intsinzi mu rugo kuko burya iyo uri mu rugo uba ufite amahirwe menshi yo kwegukana itsinzi.

Abajijwe kuri we mu myaka igera kuri 15 akinira ikipe y’igihugu icyo yumva yakora yasubije ko muri icyo gihe cyose agize amahirwe Amavubi akajya mu gikombe cy’Afurika yaba ari impano nziza kuri we yaba asigiye Abanyarwanda kuko n’ibindi bigwi yaba asize ikindi n’ibyishimo bitazibagira baba basigiye Abanyarwanda .

Amavubi arakina na Mozambique kuri iki gicamunsi, nyuma y’iminsi 6 gusa asure Cameroun mu mukino uzaba usoza imikino yo mu itsinda F u Rwanda ruherereyemo n’amanota 2 gusa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO