Njuga agiye gusohora filime y’umukobwa w’indaya ucuruza bagenzi be

Ngabo Leon wamenyekanye nka Njuga muri Sinema Nyarwanda agiye gusohora filime yise ‘Bad Bitch’ ifite inkuru ivuga ku mukobwa ucuruza bagenzi be aba yakuye mu cyaro.

Iyi filime nshya ya Njuga izaba ari uruhererekane aho Season ya mbere izaba ifite Episodes icumi ariko ngo nyuma y’izo bazagenda basohora n’utundi duce.

Njuga avuga ko igitekerezo cy’iyi filime cyaje bitewe n’ibintu bisigaye bibaho cyane aho usanga abakobwa bakunzwe ku mbuga nkoranyambaga basigaye bitwaza izina bafite bagacuruza abandi bana babakunda cyangwa babafata nk’ikitegererezo kuri bo.

Ati “Filime yanjye izaba ifite inkuru ivuga ku mukobwa w’Umusirimu wari indaya aho azajya afata abana b’abakobwa yakuye mu cyaro akajya abacuruza mu bakire bakomeye… Muri make azajya abashuka ababwira ko agiye kubahindurira ubuzima ubundi bisange muri abo bagabo.”

Uretse Njuga wanditse iyi filime abandi bazagaragaramo harimo Ngenzi, D’Amour Seleman na Gasasira n’abandi bamenyerewe muri Sinema Nyarwanda.

Iyi filime Bad Bitch izajya inyuzwa ku rubuga rwa You tube rwitwa ‘The Brothers TV’ rusanzwe runyuraho n’indi filime yitwa Rugamba.


Njuga avuga ko yakoze iyi filime agendeye ku bintu biba kandi bigezweho

Umusogongero w’iyo filime

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO