Nk’umuntu uzi ibijyanye na Studio sinakwena BadRama – Lil G

Umuhanzi Lil G yavuze ko atakwena BadRama bitewe n’ibibazo amazemo iminsi by’abahanzi be bagiye basezera muri Label Ya The Mane mu buryo bwatunguranye.

Mu mpera z’icyumweru dusoje nibwo Badrama yatumiwe mu kiganiro na Ally Soudy asobanura ku bibazo bya label ye nyuma yo gusezera kwa Marina, Queen Cha hamwe n’uwari umujyanama wabo Gahunzire Aristide.

Muri ibyo byose yavuze ko Marina ariwe muhanzi wamusezeyeho bikamutungura cyane.
Muri icyo kiganiro Bad Rama yavuze ko atangazwa cyane n’itangazamakuru ryagiye ryandika ko inzu ye ifasha abahanzi igeze aharindimuka kandi atari byo na gato. Yemeza ko label atari ikintu cyoroshye.

Ati “Label ni nk’irerero. Buriya rero ikipe iba yarareze umwana cyangwa se label iba yarareze umuntu ntuzarebe ngo hasohotse album iyi cyangwa iyi. Hari byinshi umuhanzi aba agomba gukorerwa bitandukanye n’ibyo abantu barebera inyuma.”

Nyuma y’cyo kiganiro abantu batandukanye bagiye bagira icyo bavuga kuri Badrama na Label ye.

Umuhanzi Lil G abinyujije ku rukuta rwe rwa Instagram yavuze ko ataseka uyu mushoramari ngo kuko nawe yatunze Studio azi ukuntu bivuna.

Ati “Ni uko hari igihe umuntu yivugira akantu atagamije inabi yaba ababirebera kure batagize n’icyo bakora kuri uru ruganda rwacu bagashaka kubyuririraho, ariko uyu mukambwe, mvugishije ukuri, njye nk’umuntu uzi ibijyanye n’ama studio sinamukwena.

Ku mpamvu eshatu. Bwa mbere mubona yaje iwanjye ahagana mu mpera za 2016 ubwo ndavuga (round music) ari kumwe na Safi bigaragara ko yarari kwiga ikibuga akagerageza gutangirana n’abari iwanjye ndavuga Madiba wabanjirijwe na Marina.

Abajemo nyuma nta wanze ko bari gukora ariko aho ngaya Mupende Rama ni uko yibagiwe ko icyo yabonye iwanjye ari ugushora iyo abikora ntibyari kwanga, hanyuma. Abahanzi be ntibagize Ukwihangana.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO