"Nkishaka uwo ndiwe narahanze”Album ya Rugamba Tania umwuzukuru wa Rugamba Sipiriyani

Burya inganzo igira inkomoko, byagera mu muryango w’abahanga mu kuririmba bigakurikira umuryango! Rugamba Tania Umwuzukuru wa Rugamba Cyprien umwe mu bahanzi bakunzwe cyane mu myaka ya kera yasohoye Album yise “Nkishaka uwo ndiwe narahanze”

Mu kiganiro yagiranye na GENESISTV/BIZZ Rugamba Tania yatubwiye ko ari Album yatangiye gukoraho akiri umunyeshuri muri kaminuza umwaka ushize 2020.

Yagize ati” Album “ nkishaka uwo ndi we narahanze” ni igihangano natangiye gukora mu mwaka wa 2020 nkiri muri kaminuza. Muri icyo gihe nibazaga ibintu byinshi : aho nshaka kwerekeza nk’umuntu, nk’umuhanzi n’ibindi umuntu ukiri mu myaka ya makumyabiri yibaza. Ni naho rero nakomoye igitekerezo cyo kwita album « nkishaka uwo ndi we narahanze » bitewe n’uko niyumvaga icyo gihe. Album iriho indirimbo cumi n’ebyiri buri yose ifite igisobanuro cy’impamvu nayihanze.

"Igisobanuro cya buri ndirimbo nagiye nkisangiza abantu ku rubuga rwanjye rwa instagram (@taniarugamba) kugirango bazabashe gusesengura neza ibyo bumva mu ndirimbo. Intego y’iyi album rero, ni uko igera ku banyarwanda bose ndetse n’abanyamahanga kuko ikubiyemo ubutumwa, umuziki unoze, n’ibyishimo muri rusange.”

Mu kuba izi ndirimbo utazigera uzisanga kuri youtube Rugamba Tania yavuze ko yahisemo kuzishyira kuzindi mbuga mu rwego rwo kugira ngo acuruze nk’umuhanzi ufite intumbero zo kubikora nk’umwuga ndetse nk’akazi.

Yagize ati” Album ntiri kuri youtube bitewe n’uko Youtube itinjiriza igihangano buri uko gikinwe. Izindi mbuga rero zinjiriza indirimbo buri uko zikinwe, akaba aribwo buryo bw’iki gihe album n’abahanzi binjiza amafaranga” ati”usibye n’ibyo kandi uburyo bwa kera bwo kugurisha ama CD nabwo buzakorwa, icyorezo cya Corona Virus gicogoye.

Rugamba Tania ni umukobwa w’imyaka 24 y’amavuko, akomoka mu muryango wa Rugamba Cyprien, akaba imfura mu muryango w’abana bane.

Rugamba Tania umwuzukuru wa Rugamba Sipiriyani
Rugamba Sipiriyani n’umufasha we Mukansanga Daphrose

Umvira hano Album ya Tania Rugamba
https://taniarugamba.hearnow.com/

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO