Noëlla Murumuna wa Liza kuba bamugereranya na Kamaliza ngo ni ibitangaza

Izere Noella ni umuvandimwe w’umuhanzikazi Liza Kamikazi yasohoye indirimbo nshya yitwa “Ikirutibindi” bamwe bavuga ko ijwi rye ribibukije Kamaliza witabye Imana mugihe we avuga ko byaba ari ibitangaza.

Uyu mukobwa ukora indirimbo zibanda ku muco wa Afurika yasohoye inshyashya yise “Ikirutibindi” avuga ko ari indirimbo y’urukundo aho aba ashaka kumvikanisha ko ntawe rutaryohera.

Ati “Navugaga ko uko waba umeze kose waryoherwa n’urukundo bitagendeye ngo uri umukire cyangwa umukene.”

Abarebye iyi ndirimbo ye ku rubuga rwa you tube bagiye bandika bavuga ko abibukije umuhanzikazi Kamaliza wakunzwe cyane.

Ati “Abagereranyije ijwi ryanjye ni rya Kamaliza njyewe mbifata nk’ibintu byiza kuko n’ubundi mwigiraho ibintu byinshi, rero ababivuga banyumviseho ubuhanga nkubwe byaba ari ibitangaza ariko sinshaka kuririmba nkawe ahubwo ndirimba nkanjye nubwo ijwi ryanjye rizajya ribibutsa umunyabigwi.

Gusa ababivuga babonye ko nanjye ndi umuhanga kuko nawe yari umuhanga cyane.”
Nyuma y’iyi ndirimbo azakomeza gukora izi mu muco Nyarwanda ndetse na Kinyafurika kuko yiyemeje gusohora Album igizwe nizo ndirimbo gusa.


Noëlla uvukana na Liza Kamikazi avuga ko azakomeza gukora indirimbo z’umuco cyane

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO