Ukraine yatangiye kwifashisha uburozi mu guhangana n’abasirikare b’Uburusiya

Amakuru aturuka muri Ukraine aremeza ko abasirikare babiri b’Uburusiya bamaze kwitaba Imana mu gihe abandi 28 barembye bikomeye nyuma y’aho barozwe ubwo bahabwaga ibinyobwa bihumanye n’abaturage ba Ukraine.

Ni inkuru yabaye kimomo mu gitondo cyo kuri uyu wa kabiri taliki ya 05 Mata 2022 ndetse bikomeje kuvugwa ko abasirikare barenga 500 b’Uburusiya aribo barwaye nyuma yo kurya ibiribwa n’ibinyobwa bihumanve.

Abagera kuri 28 bakaba barembye mu gihe abagera kuri babiri bamaze kuhasiga ubuzima.

Aba basirikare b’Uburusiya biravugwa ko bahawe ubu burozi n’abaturage ba Ukraine bagamije gukomeza kwirwanaho dore ko badashaka ko igihugu cyabo gikorera mu kwaha k’Uburusiya.

Ubu burozi bwahawe abasirikare b’Uburusiya babarizwa muri batayo ya gatatu izwiho kurwanisha intwaro kirimbuzi ziremereye gusa magingo aya ntabwo imfu z’abo basirikare bishwe n’uburozi igihugu cyabo cyari cyabitangaza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO