Nta kwishima ku rugamba nk’uwarurangije Tottenham irogoye bikomeye inzozi za Liverpool

Ikipe ya Tottenham ntabwo yigeze ibanira Liverpool nyuma yo kuyihagama bikanganya 1-1 bigatuma Liverpool amahirwe yo gukomeza guhanganira igikombe cya shampiyona na Manchester City agerwa ku mashyi.

Ikipe ya Tottenham ikomeje guhatanira umwanya wa kane muri shampiyona aho ihanganye bikomeye na mukeba wayo w’ibihe byose ariwe Arsenal dore ko Arsenal iri imbere ya Tottenham.

Kubera gushaka kwinjira mu makipe 4 ya mbere muri shampiyona y’Ubwongereza byatumye Tottenham yerekeza ku kibuga Unfield cya Liverpool yariye karungu bituma itahukanayo inota rimwe byatumye irogoya inzozi za Liverpool zo gutwara ibikombe bine bikomeye muri uyu mwaka.

Ikipe ya Tottenham yatsinze igitego ku munota wa 56 w’umukino gitsinzwe n’Umunyakoreya y’epfo witwa Heung Min Son gusa ku munota wa 74 w’umukino ikipe ya Liverpool yaje kwishyura iki gitego gitsinzwe n’umukinnyi Luis Diaz umukino urangira utyo.

Kuri ubu ikipe ya Liverpool isa naho amahirwe yo gukomeza kotsa igitutu ikipe ya Manchester City yamaze kugabanuka nyuma yo gutsikira.

Kuri ubu dore uko urutonde rwa shampiyona y’Ubwongereza ruhagaze kugeza magingo aya:

1.Liverpool 83 Pts
2.Manchester City 83 Pts
(ifite umukino itarakina)
3.Chelsea 67 Pts
4.Arsenal 63 Pts
(ifite umukino itarakina)
5.Tottenham 62 Pts

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO