Nta mwana usya aravoma Arsenal nyuma yo kwikirigita igaseka yibukijwe ko ntawishima ku rugamba rutararangira

Nyuma yo kumara imikino 5 idatsindwa abakunzi bayo bagatangira kwikomanga ku gatuza kuri ubu ntabwo ariko bikimeze ahubwo Arsenal yamaze gutsindwa n’ikipe ya Manchester United ibitego 3-1 bituma iyihagarika ku muvuduko wayo wo kudatsindwa.

Uyu mukino wabereye ku kibuga k’ikipe ya Manchester United wari unogeye ijisho ku buryo bufatika nyamara ikipe ya Manchester United uza kwitwara neza ku bitego byatsinzwe n’umukinnyi Rashford na Antony mu gihe Arsenal yatsindiwe igitego cy’impozamarira na Bukayo Saka.

Dore abakinnyi bari biyambajwe n’abatoza ku mpande zombi

Ikipe ya Manchester United: De Gea, Dalot, Varane, Martinez, Malacia, McTominay, Eriksen, Antony, Bruno Fernandes, Sancho, Rashford

Ikipe ya Arsenal: Ramsdale, White, Saliba, Gabriel, Zinchenko, Sambi Lokonga, Xhaka, Saka, Odegaard, Martinelli, Jesus.

Ikipe ya Manchester United yakinaga neza ku buryo bugaragara ndetse ibi byatumye inashobora guhagarika ikipe ya Arsenal yashakaga kumara imikino 6 idatsindwa gusa inzozi zayo zagiye nka nyomberi nyuma yo gutakaza umukino wo ku munsi w’ejo.

Ku munota wa 74 Arsenal yakoze impinduka,bituma abenshi bavuga ko umutoza Mikel Arteta yikozeho nyuma yo gukuramo umukinnyi ndasimburwa ariwe Martin Odegaard asimburwa na Emile Smith Rowe.

Si izo mpinduka gusa kandi kuko Arteta yakuyemo Albert Sambi Lokonga asimburwa na Eddie Nketiah, Naho Oleksanr Zinckenko asimburwa na Fabio Vieira, ibi byatumye Arsenal igira imbaraga nke mu mikinire biza no kuyiganisha kugutsindwa byeruye.

Genesisbizz

Related Articles

Ibitekerezo

  • - Emelylincoln

    Turabakurikiranye

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.