Ntabwo napfa kugaragaza umukunzi wanjye kuburyo bworoshye!Wema Sepetu yahishuye impamvu izatuma agaragaza umukunzi we

Wema Sepetu wegukanye ikamba ryo kuba Nyampinga wa Tanzania mu mwaka wa 2006 yatangaje ko mu gihe umusore ataramukwa adashobora kumutangaza.

Wema Sepetu yakundanyeho n’umuhanzi rurangiranwa mu gihugu cya Tanzania Diamond Platnumz ndetse nyuma yo gutandukana kwabo ntabwo yongeye kuvugwa cyane mu bitangazamakuru.

Sepetu yavuze ko ari we wenyine uzi umukunzi we kandi ko nta n’umuntu ugomba kuza kwivanga hagati ya bo ndetse aboneraho no gushimangira ko azatangaza umkunzi we mu gihe azaba yamaze gutanga inkwano.

Mu magambo ye yagize ati"ninjye muntu uzi umukunzi wanjye. Ni uwanjye nta n’umwe wakivanga ku rukundo rwacu."

Yakomeje agira ati"Umunsi muzaza kureba umugabo wanjye, azaba yaramaze gutanga inkwano. Iyo gahunda irahari kandi nzi ko Imana igiye kubinkorera."

Mu kwezi kwa Nyakanga nibwo Wema yatangaje ko afite umukunzi mushya gusa ahamya ko azakomeza kubigira ibanga mu rwego rwo guha umutima we umutuzo n’amahoro


Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO