Umutoza wa Gasogi United wasoje amasezerano yahakanye ibyo kujya muri Rayon

Umutoza wa Gasogi United Guy Bukasa uwasoje amasezerano muri iyi kipe, yatangaje ko atari umutoza ubwirwa ngo aze gutoza ikipe runaka ngo nawe aze, yongeraho ko nta masezerano afitanye na Gasogi ariko ko kandi ntayindi kipe arasinyira.

Ibi Umutoza Guy Bukasa yabitangarije Mu kiganiro n’itangazamakuru Kakoza Charles, umuyobozi wa Gasogi United yatumiyemo abanyamakuru, cyabaye ku gicamunsi cyo kuri uyu wa Kane tariki 2 Nyakanga.

Guy Bukasa yagize ati: “Ndacyari umutoza wa Gasogi United nubwo nayo narangije amasezerano gusa ntayindi kipe ndasinyira kugeza ubu. Ntabwo ndi umutoza ubwirwa ngo ngwino untoze ngo mbyuke nambaye imyenda yawe.”

Kuva ku munsi w’ejo hiriwe hakwirakwiye amakuru avuga ko uwari umutoza wa Gasogi United Guy Bukasa yamaze gusinyira Rayon Sports kuyitoza, ndetse ko bari bemeranyijwe amafaranga agera ku bihumbi bine by’amadorali.

Guy Bukasa yageze mu Rwanda umwaka ushize aje gutoza Gasogi United. Uyu mugabo yari asanzwe ari umwungiriza mu ikipe y’igihugu ya Congo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO