Ntarirarenga!! Gutora mu irushanwa rya HEAD’S UP birarangirana n’iki cyumweru

Abanyempano batandukanye bari mu irushanwa rya Head’s up music competition baracyakomeje guhatana, ubu bari bamaze igihe bari gutorwa binyuze kuri murandasi hamwe no mu kohereza ubutumwa bugufi gusa nabyo bizarangirana n’iki cyumweru kuwa gatanu taliki ya 16 Ukwakira 2020.

Abanyempano barenze ijonjora rya mbere mu rishanwa ry’umuziki rya Head’s up music competition ritegurwa n’ikigo cya ‘Genesis Broadcasting Network’ batangiye gutorwa taliki ya 1 Ukwakira 2020.

Ku munsi wo kuwa gatanu taliki ya 16 Ukwakira 2020 nibwo uburyo bwo gutora buzafungwa ku isaha ya saa sita z’ijoro.

Biteganyijwe ko hagomba kuzasigaramo abanyempano 40 gusa ari nabo bazakomeza mu kindi cyiciro. Muri abo harimo abagiye bakomeze bitewe n’uburyo banyuze imbere y’akanama nkemurampaka.

Abo 40 bazakomeza bazatangazwa ku munsi wo kuwa mbere taliki ya 19 Ukwakira 2020. Nibamara gutangazwa bazahita babimenyeshwa kugirango bitegure ikindi cy’iciro cyo kurushanwa kizaba taliki ya 24 na 25 Ukwakira 2020.

Icyo gihe bazongera baze guhatana nkuko mbere bagiye babikora uzitwara neza akarenga icyo kiciro azahita abona itike yo kugera mu kibanziriza icya nyuma (semi final). Aha ho hazakomeza abanyempano 20.

Ntarirarenga!!

Nubwo hasigaye iminsi mike ngo aya matora afungwe haracyari amahirwe yo gukomeza mugihe bagutoye ukagira amajwi menshi. Ikindi ni uko amajwi yo gutorwa azahuzwa n’ayo wahawe n’akanama nkemurampaka bikazahuzwa ubundi ugize menshi akaba ariwe uzakomeza.

Uko watora uwo ushyigikiye: Unyura ku rubuga rwa https://genesisbizz.com/ ugakanda ku cyiciro cyanditseho "Voting" aho bakwinjije niho usanga abahatanye ubundi ukajya ku ifoto ye iriho na kode akoresha.

Ubundi buryo ni ugukoresha ubutumwa bugufi, ugakoresha *797*6# ubundi ugakurikiza amabwiriza ushyiramo kode y’umuhanzi ushyigikiye ariko bikagusaba byibuze kuba ufite amafaranga 50frw kuri mobile money yawe.

Ikindi ni uko gutora nta gihe runaka bifata, bitewe n’umwanya ufite cyangwa amafaranga wabikora buri kanya.

Nkibisanzwe iri rushanwa rizakomeza kunyura kuri Televiziyo ya Genesis igaragara kuri Canal + shene ya 387 cyangwa se ukaba warikurikirana imbona nkubone ku rubuga rwayo rwa You tube ritwa Genesis Tv Rwanda.

Genesisbizz

Related Articles

Ibitekerezo

  • - Egidia

    Ntoye Thierry Roshan

Igitekerezo cyawe kirashyirwaho aruko gisusumwe

TANGA IGITEKEREZO