Ntawe ushobora gusiga ikimwirukamo!burya Yanga yari azi ko atazakira mbere yo Kuva mu Rwanda

Umuvandimwe wa Yanga ariwe Junior Giti yatangaje ko nyakwigendra Nkusi Thomas wamamaye ku izina rya Yanga ngo burya yavuye mu Rwanda ajya kwivuza muri Afurika y’Epfo abizi neza ko atazakira.

Ku gicamunsi cyo kuwa 17 Kanama nibwo humvikanye inkuru y’inshamugongo yavugaga ko Nkusi Thomas wamamaye cyane ku izina rya Yanga yitabye Imana aguye mu gihugu cya Afurika y’Epfo.

Umuvandimwe we Junior Giti yatangaje ko mukuru we Yanga yari yaragiye kwivuriza mu gihugu cya Afurika y’Epfo ngo ariko abizi ko ashobora kuzagwayo.

Junior Giti yabitangarije mu kiganiro yahaye umwe mu muyoboro ukorera kuri Murandasi ndetse aboneraho kuvuga ko yanga yatanze ibintu hafi ya byose yari afite mu nzu akabigabira abaturanyi mbere yo kujya kwivuza bijyanye nuko yakekaga ko ashobora kutazagaruka.

Mu magambo ye Junior Giti yagize ati “ Yanga ajya kuva mu Rwanda yari abizi ko atazagaruka. Yagiye muri iriya nzu ye atanga ibintu byose byarimo, atanga amasahane, atanga ibikombe atanga amasorori abiha abakene bo muri ako gace. Matela yarazitanze asigaza nk’ebyiri atanga ibitanda.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO