Ntibisanzwe: Perezida w’Uburusiya yahoze ari umushoferi

Perezida w’igihugu cy’Uburusiya Vladimir Vladimirovich Putin yahoze akora akazi ko gutwara imodoka itwara abagenzi mu rwego rwo gushakisha imibereho nyuma y’uko icyahoze ari leta zunze ubumwe z’Abasoviyete gisenyutse.

Muri filime mbarankuru yakozwe na televiziyo yo mu Burusiya yitwa RIA yavugaga ku buzima bwa Vladimir Putin, ubwe avuga uburyo yigeze gukora akazi ko gutwara imodoka zitwara abagenzi mbere yo kuba umukuru w’igihugu.

Yagize ati " Rimwe na rimwe byansabaga gukorera amafaranga ku ruhande, Icyo gihe nakoreraga amafaranga ndi umushoferi wigenga, biteye isoni kubivuga gusa niko kuri, ku bw’amahirwe make niko byagenze."

Muri iyi filime mbarankuru Putin avuga ko iherezo ry’icyahoze ari leta zunze ubumwe z’Abasoviyete ryashyize iherezo ku mateka y’Uburusiya bw’igihangange.

Yagize ati " Gusenyuka kwa leta zunze ubumwe z’Abasoviyete mu binyacumi bitatu bishize byateye ibihe by’akababaro ku banyagihugu benshi."

" Iherezo ry’Abasoviyete ryatumye ubukungu buhananuka ababarirwa mu ma miliyoni bibasirwa n’ubukene bukabije, igihe Uburusiya bushya bwavaga kuri gahunda ya communism bujya muri capitalism."

Perezida w’Uburusiya yahoze ari umushoferi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO