Aho yanyuze ntihaca urwango! Safi Madiba yatangiye kwita Parfine umwamikazi w’izahabu

Abanyarwanda nibo bavuga bati “Aho yanyuze ntihanyura urwango”Bashaka gusobanura ko aho iminsi y’urukundo yanyuze hatabura uko iyo minsi myiza umuntu aba yaranyuzemo yagaruka mu buryo bumwe cyangwa ubundi; ibi nibyo byabaye kuri Safi ahishura urukundo rututumba hagati ye na Parfine bigeze ku kanyuzaho mu myaka yashize.

Umuhanzi Safi Madiba ubu uri kubarizwa muri Canada yaciye amarenga ko yaba yarongeye gukundana na Parfine bakanyujijeho bakaza gutakundana agiye gukora ubukwe na Niyonizera Judithe.

Nyuma y’aho umuhanzi Safi Madiba agiriye muri Canada mu mpera za Gashyantare 2020, byavuzwe ko yongeye gukundana na Parfine ndetse bivugwa ko byamuteranyije n’umugore we basezeranye Niyonizera Judithe.

Safi yatangaje ko yavuze ko yatandukanye n’umugore we Judithe Niyonizera ariko ntacyo yavuze ku rukundo rwe na Umutesi Parfine.

Mu rukerera rwo kuri uyu wa Gatatu tariki 11 Ugushyingo ubwo Parfine yizihizaga isabukuru ye y’amavuko, Safi Madiba kwifata byamunaniye agaragaza ko akimufite ku mutima.

Ati ” Ugire isabukuru nziza mwamikazi w’izahabu.”

Ni ku nshuro ya mbere Safi ashyize ifoto ya Parfine ku mbuga nkoranyambaga ze kuva batandukana mu 2017.

Aba bombi bigeze guterana amagambo kuko nyuma yo gukora ubukwe kwa Safi na Judithe byashenguye cyane umutima wa Parfine kugeza ubwo hasohotse amajwi ye ari gutuka uyu mugabo ngo wamuriye amafaranga atagira ingano amwizeza urukundo mu gihe cy’imyaka itatu bamaranye.

Safi nawe yaramusubije amubwira ko umugore ashatse ari mwiza, azubaka atari nka Parfine ukuze kandi washatse umugabo birenze inshuro imwe.

Mu kiganiro Judithe Niyonizera aherutse kugirana n’itangazamakuru yavuze ko urugo rwe rutasenyutse nk’uko bivugwa ndetse ko nta kibazo na kimwe afitanye na Parfine.

Ati "Ntabwo ariwe wansenyeye nkuko bivugwa kuko si inshuti yanjye kandi nta nubwo ari umwanzi wanjye."


Safi ati "Uri umwamikazi w’izahabu"


Bagiranye ibihe byiza mugihe cyabo bagikundana byeruye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO