Kwizera Olivier ahishuye uburyo bwo gutsinda Mozambique

Kwizera Olivier (Gishweka) mu kiganiro n’itangazamakuru yahamije ko gutsinda Mozambique bishoboka cyane mu gihe bakwiga neza ikibuga bazakiniraho umukino ndetse bakanatega amatwi inama z’abatoza.

Kuva ikipe y’igihugu y’U Rwanda Amavubi yagera muri Afurika y’Epfo ku munsi w’ejo nibwo yabashije gukora imyitozo yayo ya mbere ndetse iyi myitozo yakorewe ku kibuga kitwa CHLOORKOP akaba ari ikibuga cya Mamelodi Sundowns.

Kwizera Olivier wakinnye mu gihugu cya Afurika y’Epfo yatangaje ko bishoboka
cyane ko batsinda ikipe ya Mozambique dore ko byose ngo bikwiye kuzagenwa n’uburyo baziga neza ikibuga bazakiniraho ndetse ibi ngo bikagendana cyane no kumva inama z’abatoza.

Kwizera Olivier yatangaje ko nyuma yo kumva ko Amavubi azakinira muri Afurika y’Epfo ngo yumvishe yishimye cyane dore ko ngo ari ahantu yabaye ubwo yahakinaga.

Kwizera Olivier yakinnye mu gihugu cya Afurika y’Epfo hagati y’umwaka wa 2017 na 2019 ndetse yakinaga mu ikipe yitwa Free State.

Amavubi agomba gucakirana n’ikipe y’igihugu ya Mozambique kuwa 2 Kamena ndetse uyu mukino uzabera ku kibuga cyitwa First National Bank (FNB Stadium.)

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO