Dore ibimenyetso simusiga bizakwereka ko umuntu yakwihebeye kandi wowe utabizi

Ubusanzwe nko mu mashuri yisumbuye uzasanga umunyeshuri umwe akunda undi gusa arangwe no guhora yongorera bagenzi be uburyo umuntu runaka ari mwiza, yitonda n’ibindi bitandukanye gusa kuri iyi ngingo irareba ingeri zose kuko nawe ubwawe urimo gusoma iyi nkuru burya ufite umuntu wakwihebeye nubwo adashobora gutinyuka ngo abikubwire gusa muri iyi nkuru byose bigiye gusobanuka.

Dushingiye ku buhamya bw’abantu batandukanye bakoreweho ubushakashatsi ndetse tukanashingira ku bushakashatsi bwakozwe n’impuguke zitandukanye mu bijyanye n’urukundo, reka turebere hamwe ibimenyetso simusiga bizakwereka ko umuntu runaka yakwihebeye nubwo wowe utabizi gusa iyi ngingo irareba ingeri zose.

1.Iteka ahora yifuza kuba hafi yawe

Nk’uko bitangazwa n’uwitwa Silva kuri iyi ngingo uzasanga umuntu ugukunda cyane utabizi, Usanga ahora yifuza kuba hafi yawe ndetse akumva ko mwamarana igihe kinini muganira.

Ibyifuzo bye iyo muri kumwe aba ari ugutindana nawe kuburyo ubona ko ntakindi kintu yitayeho muri ako kanya uretse wowe gusa.

Rero niba ufite umuntu uhora iteka yifuza ko mwahorana akitwaza ko ngo afite umwanya wo kuba ari kumwe nawe aho akubwira ko ntakintu kirimo kwangirika ahubwo ukabona iteka ashaka kuguma hafi yawe menya ko agukunda ahubwo wowe ukaba utabizi.

2.Ahora yifuza ko mwasangira ndetse akanaguha impano zitandukanye

Ku bantu benshi uzasanga amafunguro ari ikintu gikomeye ndetse gihuza abantu batandukanye, ndetse uzasanga uyu muntu ugukunda ariko wowe utabizi azakunda no kuguha impano zitandukanye agamije kureba uko ubyitwaramo ndetse aba yifuza gusuzuma niba impano aguhaye igushimisha cyangwa ukayiha agaciro kugirango bimuhe ishusho y’ibyo yibwira ko wenda umunsi umwe byazashoboka.

3.Iteka aguhozaho ijisho cyane

Uyu muntu biroroshye guhuza amaso nawe ugahita umenya aho intekerezo ze ziri, ubusanzwe guhuza amaso n’umuntu runaka ariko ugufitiye ibyiyumviro bishobora guhita byigaragaza mu maso ye ako kanya ndetse uzasanga ahise agira isoni ndetse ubone abuze aho akwirwa.

4.Iteka aseka ikintu cyose uvuga niyo cyaba kidashamaje

Uzajya iteka utangazwa no kubona ibintu bisanzwe we abigira urwenya ndetse ubone kenshi uvuze ikintu ahise yisetsa bisa nkaho afite ibyishimo bikomeye kandi adashobora kwerekana.

Aha rero aba akomeje kukwishimira ku buryo bukomeye nubwo wowe uba utabizi, ndetse mu by’ukuri rwose ntabwo ibintu byose tuvuga biba bisekeje ariko we uzabona ahise yisetsa ibi bizakubere ikimenyetso cy’uko uyu muntu ashobora kuba agukunda ariko wowe utabizi.

5.Akunda kugutira ibintu runaka bitandukanye kandi ubona ko adakennye

Igihe cyose uzasanga yabuze aho aguhera akuvugisha maze atangire kukwaka utuntu dutandukanye yijijisha ndetse ubone abyuririyeho abibyajemo ikiganiro gikomeye.

Ashobora gutangira akubwira ko wenda wamutiza nk’ikayi wenda yo kwigiramo cyangwa ukamutiza mudasobwa yawe ijoro rimwe kuko ariyo yihuta cyane mu gukoresha murandasi kandi nucunga neza uzasanga ibyo akwatse byose nawe abifite ahubwo arusheho gushaka urwitwazo runaka rw’uko ibye bidakora neza.

Reka tubibutse ko aba bantu bashobora kukugirira ibyo byiyumviro n’ayo marangamutiama ariko wowe ukabifata nk’ibisanzwe kuko wowe utabizi cyangwa se ukaba ufite undi ukunda wahisemo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO