NyerereBeachVolley: U Rwanda na Kenya byageze muri 1/2.

Ikipe y’u Rwanda ya Beach Volley igabanyijemo ibice bibiri mu bakobwa iri kubarizwa mu gihugu cya Tanzania mu mikino yiswe Nyerere Beach Volleyball national tour, ikomeje kwitwara neza nyuma yo kwicamo ibice bibiri, izahura muri 1/2 cy’iri rushanwa.

Iri rushanwa ryatangiye kuri uyu wa mbere tariki 13 Mutarama, rikaba rirasozwa ku munsi w’ejo tariko 15 Mutarama 2020. Iri rushanwa rikaba ryarahuje ibihugu bitatu birimo U Rwanda, Kenya ndetse na Tanzania yakiriye.

Ikipe ya mbere y’u Rwanda ikaba igizwe na Nzayisenga Charlotte ndetse na Munezero Valentine. Naho ikipe ya kabiri y’u Rwanda igizwe na Hakizimana Judith ndetse na Mukantambara Seraphine.

Mu mikino yabaye ku munsi w’ejo ndetse n’uyu munsi, amakipe y’u Rwanda yaba iya mbere ndetse n’iya kabiri zose zitwaye neza zitsinda Imikino yazo ya mbere.

Dore uko yagenze.

Rwanda 1- Tanzania B:2-0 (21-12,21-11) Rwanda 1-Kenya 2 :2-1 (21-11,17-21,15-5)
Rwanda 2-Kenya 1 :0-2 (15-21,16-21) Rwanda 1-Tanzania1 :2-0 (21-7,21-10)
Rwanda 1-Tanzania 3 :2-0 (21-2,21-7)

Ku munsi w’ejo tariki 15 Mutarama hazaba imikino ya 1/2, aho Rwanda 1 izacakirana na Rwanda 2, hanyuma Kenya 1 nayo ihure na Kenya 2, izitsinda zihurire Ku mukino wa nyuma kuri uwo munsi.

Ikipe y’u Rwanda ihagarariye u Rwanda muri Tanzania

Iyi mikino yose ikaba iri kubera mu gihugu cya Tanzania mu rwego rwo kwibuka no guha icyubahiro Mwalimu Julius Nyerere wigeze kuba perezida wa Tanzania aho byavugwaga ko yakundaga uyu mukino cyane.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO