Nyuma y’imvune ikomeye Roger Federer yatangaje ko yiteguye kugaruka mu kibuga

Umukinnyi w’icyamamare mu mukino wa tennis ukomoka mu gihugu cy’Ubusuwisi, Roger Federer yatangaje ko atasubijwe inyuma n’imvune ndetse ko ubu ari kwiyumva neza nyuma yo kubagwa.

Federer wari waravuye mu irushanwa rya U.S. Open, mu kwezi kwa Kanama yari yatangaje ko agiye kumara igihe kinini hanze y’ikibuga kuko yari akeneye kongera kubagwa ivi kugirango akomeze kwitabira irushanwa.

Roger Federer w’imyaka 40 yagize imvune ebyiri (2) mu mwaka wa 2020 zatumye amara hafi umwaka wose yitabwaho mbere y’uko agaruka mu kibuga mu kwezi kwa Werurwe.

Roger Federer yaherukaga kugaragara mu kibuga mu kwezi kwa Nyakanga, ubwo yavuye mu marushanwa muri kimwe cya kane cy’irangiza aho ibi bisa nk’ibyahise byangiza inzozi ze zo kwegukana irushanwa rya wimbledon ku nshuro ya munani (8).

Mu kiganiro Federer yagiranye na Eurosport yagize ati ’’ Ndi kwiyumva neza.... gusa ibintu ntabwo bimeze nk’uko nabicyekaga, gusa ndi gukira imvune neza ndetse nshobora kugaruka vuba.’’

’’Sinasubiye inyuma, ndi kwiyumva neza ndetse ntewe amatsiko cyane n’ibijyiye kuza. Ndifuza gusubira mu kibuga cya tennis mu gihe cya vuba gishoboka, gusa ngomba kwihangana.’’


Nyuma yo guhura n’imvune y’ivi, Federer yatangaje ko ari gukira ndetse ko yiteguye kugaruka mu kibuga mu gihe gito gishoboka.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO