Nyuma y’imyaka 10 akora ibiganiro by’imikino bikunzwe ’Rugimbana Theogene’ amaze gusezera aho agiye hanze y’U Rwanda

Umunyamakuru w’imikino Rugimbana Theogene wakoraga kuri Radio 1 ubu yamaze kwerekeza hanze y’U Rwanda gusa uyu munyamakuru yari amaze kwigarurira imitima ya benshi bijyanye n’uburyo yasesenguragamo imikino itandukanye.

Rugimbana Theogene yakoreraga Radio 1 mu kiganiro cy’imikino cyitwa ’’Trace Foot’’ aho iki kiganiro gitambuka nimugoroba guhera 18:00 kugeza 20:00 z’ijoro.

Iki kiganiro cyibanda cyane ku makuru yo ku mugabane w’I Burayi inshuti ze ziravuga ko uyu musore yaciye mu burengerazuba bwa Afurika aho bivugwa ko yerekeje ku mugabane wa Asiya.

Gusa uyu munyamakuru biravugwa ko yari amaze igihe yarasezeye kuri Radio 1 gusa bikaba byari ibanga rye hamwe n’umukoresha we KNC.

Rugimbana Theogene ntawuzi neza igihugu agiyemo cyangwa icyo agiye gukora uretse abagize umuryango we hamwe n’uwari umukoresha we KNC, gusa ibihugu bikomeje kuvugwa ko uyu mugabo ashobora kuba yerekejemo harimo igihugu cya Koreya y’amajyepfo hamwe na Cameroun.

Rugimbana Theogene yari amaze imyaka 10 mu mwuga w’itangazamakuru aho yatangiye uyu mwuga mu mwaka wa 2012 yakoreye kandi ibitangazamakuru bitandukanye birimo Flash FM, Radio 10 hamwe na Radio 1 yagezeho mu mwaka wa 2016.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO