Nyuma y’imyaka 11, Cristiano Ronaldo yasubiye i Manchester

Ikipe ya Manchester United yamaze gutangaza ko yasinyishije rutahizamu Cristiano Ronaldo amasezerano azangeza mu mwaka wa 2023.

Cristiano Ronaldo yumvikanye na Manchester United nyuma yuko mu gutindo cyo kuri uyu munsi mukeba wayo Manchester City byavugwaga ko yendaga kumusinyisha ndetse bikarangira bipfuye, nyuma yuko Juventus uyu mugabo yakinagamo yananiwe kumvikana n’umuhagarariye.

Cristiano, watsindiye Ballon d’or inshuro eshanu, kugeza ubu amaze gutwara ibikombe birenga 30 bikomeye mu gihe cye, harimo ibikombe bitanu bya UEFA Champion League, ibikombe bine bya FIFA Club World Cup, ibikombe birindwi bya shampiyona mu Bwongereza, Espagne n’Ubutaliyani, ndetse n’igikombe cya Euro yahesheje igihugu cye cya Portugal kavukire.

Ubwo yaherukaga I Manchester mu mukino yayikiniye, yatsinze ibitego 118 mu mikino 292. Uyu musore ategerejwe na bagenzi be bazakinana aho biteganyijwe ko arabasanga mu masaha y’igicuku.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO