Kiyovu Sports: Nyuma y’imyaka 30 idakora ku gikombe cya Shampiyona, uyu mwaka iri kugikozaho imitwe y’intoki

Nyuma yo gutsinda ikipe ya Etincelles igitego 1-0 mu gihe ikipe ya APR FC yo yagwaga miswi na Mukura Victory Sport ubu icyizere cyo gutwara igikombe cya Shampiyona ku ikipe y’urucaca kirimo kwiyongera.

Ni umukino utari woroshye aho ikipe ya Kiyovu Sports yatangiye ikina neza bityo ku munota wa 15 ifungura amazamu ku gitego cya Bienvenue Mugenzi ndetse umukino waje kurangira utyo bituma ikipe y’urucaca icyura amanota atatu naho Etincelles yari yaturutse mu karere ka Rubavu itaha yimyiza imoso.

Ni mugihe kandi ikipe ya Kiyovu Sports yari yahisemo kutishyuza igitsinagore mu rwego rwo gukomeza gufasha abari n’abategarugori kwishimira umunsi mukuru wabahariwe.

Ku rundi ruhande ariko ikipe ya APR FC bahanganiye igikombe yo ntiyabashije kwikura mu karere ka Huye dore ko yasitaye ikanganyirizayo igitego 1-1 na Mukura Victory Sports.

Nyuma y’uyu mukino ikipe ya Kiyovu sports iyoboye urutonde rwa Shampiyona y’U Rwanda naho APR FC ikaza ku mwanya wa kabiri.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO