Nyuma y’imyaka 6 Manchester United yongeye gutwara igikombe itsinze Newcastle United
- by
- 27/02/2023 saa 09:58
Ku munsi w’ejo ku cyumweru ikipe ya Manchester United yongeye gushimisha abakunzi bayo nyuma yo gutwara igikombe cya Carabao Cup itsinze Newcastle ibitego 2-0 ndetse iyi kipe yaherukaga igikombe mu mwaka wa 2017.
Umunya Brazil Casemiro yatangiye atsinda igitego ndetse nyuma y’iminota 5 gusa rutahizamu Marcos Rashford nawe uri mu bihe byiza yongera gutsinda igitego aho cyashimangiye intsinzi bituma United yongera kumanika igikombe nyuma y’imyaka 6.
Kugeza ubu umutoza Erik Ten Haag akomeje gushimagizwa n’abatari bake nyuma yo guhindura United mu buryo bukomeye ndetse nyuma ya Mourinho.
Nyuma yo kwegukana igikombe Umunya Portugal Bruno Fernandes:Ni ibyiyumvviro bidasanzwe ndetse twari tumaze igihe kitari gito dutegereje ibi bihe ndetse ndatekereza ko abafana bacu bishimye cyane.
Uyu mukinnyi yakomeje avuga ko ikipe ya United yanyuze mu bihe bigoranye ndetse yasobanuye ko ari igikombe cya mbere babashije kwegukana muri uyu mwaka w’imikino.
Ikipe ya United kuri ubu muri shampiyona Premier League irimo kubarizwa ku mwanya wa gatatu n’amanota agera kuri 49 ndetse iri inyuma ya Arsenal na Manchester City nazo zikomeje guhanganira bikomeye igikombe cya Premier League.
Manchester United yatwaye igikombe nyuma y’imyaka 6 yari imaze itagikozaho imitwe y’intoki.
