Nyuma y’imyaka itandatu abaye igisonga cya Miss RTUC, arashaka kuba"Miss Rwanda2022"

Kazeneza Marie Mercie wabaye igisonga cya mbere cya Miss wa Kaminuza yahoze yitwa RTUC (UTB) yatangiye kugerageza amahirwe ye ngo arebe ko yaba na Nyampinga w’u Rwanda 2022.

Kazeneza Mercie yagaragaye mu bakobwa 34 bahataniye guhagararira Intara y’Uburengerazuba ndetse abasha kuza mu icyenda bemerewe gukomeza mu irushanwa rya Miss Rwanda 2022.

Uyu mukobwa usanzwe atuye mu Mujyi wa Kigali, asubiye guhatana mu marushanwa y’ubwiza nyuma y’imyaka itandatu atorewe kuba igisonga cya mbere cya Miss RTUC 2016, Albine Nishimwe Uwingabiye.

Kazeneza Mari Mercie yifuza gushyira mu bikorwa umushinga wo gukora urubuga rwo kuri murandasi rufasha benshi kwiga no kwihugura ariko rutanga no kwidagadura ku barukoresha bigatuma bakomeza kugira ubushake no gushishikarira inyigisho barukuraho.

Uyu mukobwa ni umukozi muri kampani ya Ishusho ifite studio itunganya umuziki mu buryo bw’amajwi n’amashusho. Akorana kandi na Muheto Nshuti Divine nawe uhagarariye Intara y’Uburengerazuba.

Abakobwa icyenda bahagarariye Intara y’Uburengerazuba ni Umubyeyi Sandrine, Isaro Nadia, Stelle Matutina Murekatete, Kazeneza Marie Merci, Mwiza Ameila, Umuringa Jessica, Uwajeneza Peggy, Muheto Nshuti Divine na Keza Moalithia.

Kazeneza Marie Merci (ibumoso) yabaye igisonga cya Miss RTUC mu 2016.

Muheto Nshuti Divine akorana na Kazeneza muri Ishusho Studio.

Kazeneza Marie Mercie ahagarariye Intara y’Uburengerazuba muri Miss Rwanda 2022

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO