Nyuma y’uko muri Maroc bahagaritse ingendo APR FC iracyategereje aho izakinira na RS Berkane

Mugihe igihugu cya Maroc cyahagaritse ingendo z’indege zinjira iwabo bitewe na COVID-19, ikipe ya APR FC ntabwo iramenya aho izakinira umukino wo kwishyura yari ifitanye na RS Berkane yo muri icyo gihugu.

Byari biteganyijwe ko ikipe ya APR FC igomba kuva mu Rwanda mu gitondo cyo kuwa kabiri taliki ya 30 ikereza muri Maroc aho yagombaga gukinira.

Ishyirahamwe ry’umupira w’amaguru muri Afurika CAF ryasabye Leta ya Maroc hamwe n’ikipe ya RS Berkane gutangaza aho uyu mukino wo kwishyura uzabera.

Umuyobozi w’ikipe y’ingabo z’igihugu Lt Gen MK MUBARAKH yatangajeko nabo bagitegereje ibiva muri iyo kipe.

Ati “Turashimira umunsi ku wundi ko abakinnyi berekana ko nabo bashoboye. Iki nicyo k’ingenzi. Icya kabiri ubuyobozi bwa APR F.C butegereje ko R.S Berkane itumenyesha aho tuzakinira maze Abakinnyi bacu bagakomeza kwerekana icyo bashoboye. Umukoro nuwa Berkane na leta yabo.”

Umukino ubanza w’aya makipe warangiye nta kipe igerageje kutsinda igitego mu izamu.


APR FC na RS Berkane banganyije 0-0

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO