Nyuma y’urupfu rw’umwana we Cristiano Ronaldo yongeye kugaragara mu mafoto yerekeza ku kibuga cy’imyitozo

Umukinnyi Cristiano Ronaldo aherutse gutangariza abakunzi be ko yapfushije umwe mu bana bari bavutse b’impanga nyuma y’uru rupfu rw’umwana we Cristiano Ronaldo yongeye kugaragara ari mu modoka yerekeza ku kibuga cy’imyitozo.

Uyu mukinnyi yagaragaye yerekeza ku kibuga cy’imyitozo aho ikipe ye ya Manchester United iyikorera hitwa Carrington, ndetse yari mu modoka yicaye mu mwanya w’abagenzi inyuma y’umushoferi we.

Cristiano Ronaldo ntabwo yabashije kuboneka ku mukino ikipe ye ya Manchester United yakinnye kuwa kabiri w’iki cyumweru aho yaje gutsindwa ibitego 4-0 gusa ni umukino waranzwe n’urukundo abafana ba Liverpool beretse uyu mugabo wari wagize ibyago biciye mu gufata umunota wo kwibuka umwana wa we.

Mu butumwa bwuzuye akababaro Cristiano yatangarije abakunzi be ko umwe mu bana babo b’impanga yitabye Imana gusa akomeza avuga ko kuba umukobwa we yabashije kugira ubuzima bikwiye kubatera imbaraga muri ubwo butumwa yashimiye cyane abaganga bakoze ibishoboka kugirango babe batabara uwo mwana.

Cristiano Ronaldo agarutse mu myitozo aho ikipe yiwe ya Manchester United irimo kwitegura gukina mu mpera z’iki cyumweru n’ikipe ya Arsenal.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO