Nyuma yo gutsinda Chelsea umutoza Mikel Arteta yeruye avuga intego Arsenal ifite uyu mwaka

Umutoza mukuru w’ikipe ya Arsenal Mikel Arteta nyuma yo gutsinda ikipe ya Chelsea mu mukino wa shampiyona yeruye avuga ko Arsenal ifite intego zihanitse ndetse yiteguye guhatanira shampiyona y’Ubwongereza Premier League.

Kugeza ubu umutoza Mikel Arteta amaze guca agahigo nyuma yo guhiga abandi batoza bose batoje The Gunners mu kwitwara neza mu mikino 150 yabo babashije gutoza mu ntangiriro zabo.

Igitego cyabonetse mu gice cya kabiri gitsinzwe na Gabriel Magalaes cyabashije gutuma The Gunners yitwara neza imbere y’ikipe ya Chelsea yakiniraga ku kibuga cyayo.

Mu mikino 150 ibanza muri Arsenal umutoza Mikel Arteta yabashije gutsinda imikino 87 utabariyemo iyo yanganyije aho byatumye aza imbere ku wahoze ari umutoza we Arsene Wenger aho we yabashije gutsinda imikino 82.

Umutoza Mikel Arteta yahamije bwa mbere ko ikipe ye irimo guhatanira shampiyona y’Ubwongereza uyu mwaka maze mu magambo ye agira ati:

"Turi mu rugamba rwo gushaka igikombe uyu munsi.
Mu mupira w’amaguru, uyu munsi n’ejo biratandukanye cyane. Ariko reka twishimire iki gihe.


Umutoza Mikel Arteta yahamije ko ikipe ye yiteguye kurwanira shampiyona muri uyu mwaka w’imikino wa 2022/2023.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO