Nyuma yo gutsindwa na Rayon Sports umutoza wa AS Kigali urwitwazo ni rwose

Nyuma yo gutsindwa n’ikipe ya Rayon Sports igitego 1-0 umutoza w’ikipe ya AS Kigali Casa Mbungo André ntabwo yemeye ko yatsinzwe arushwa ahubwo yahamije ko ikipe ye yakinnye neza maze bikarangira ari Rayon Sports ibonye amanota 3.

Uyu mutoza ubwo yaganiraga n’itangazamakuru yasobanuye ko ikipe ya Rayon Sports itagaragaje imikinire ihambaye nubwo bwose ariyo yegukanye amanota 3 yo ku munsi w’ejo ubwo bakinaga.

Casa Mbungo kandi yakomeje agaragaza urwitwazo rw’uko ikipe ye yakinnye neza ariko amahirwe ntayisekere kuko ngo Rayon Sports itabarushije gukina neza.

Mu magambo ye umutoza Casa Mbugo Andre yagize ati: "Mu mukino twateye mu izamu kenshi, twagerageje gukina neza. Sinzi ko uyu munsi Rayon Sports yari nziza, ni Rayon Sports yatsinze ariko si Rayon Sports yari nziza, ni AS Kigali yari nziza."

Uyu mutoza kandi yaboneyeho ashimira ikipe ye uburyo yakinnyemo ndetse avuga ko nubwo batabashije kwishyura igitego batsinzwe ariko ngo bakinnye neza cyane kuburyo ngo imikinire y’abakinnyi be yamunyuze.

Ikipe ya Rayon Sports byarangiye yegukanye amanota atatu aho kugeza ubu ariyo iyoboye urutonde rwa shampiyona y’u Rwanda ndetse igitego cyayo cyatsinzwe na Moussa Esnu.

Umutoza wa AS Kigali Casa Mbungo Andre yatangaje ko bakinnye neza kurusha Rayon Sports bikarangira amahirwe atabasekeye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO