Nyuma yo kugaragara asaba umutoza w’Ubufaransa gutuza akorohereza umusifuzi Salima Mukansanga akomeje kuba ikimenyabose nk’umuravumba

Umunyarwandakazi Salima Mukansanga akomeje kuba ikimenyabose nyuma yo kugaragara aganira n’umutoza w’ikipe y’igihugu y’Ubufaransa bwana Didier Deschamps aho uyu mukobwa ukomoka mu rwa Gasabo yasabye uyu mutoza gutuza akorohereza umusifuzi wari uyoboye umukino.

Mu ijoro ryakeye Salima Mukansanga yari umusifuzi wa kane ku mukino wahuje ikipe y’igihugu y’Ubufaransa aho iyi kipe byanarangiye inyagiye ikipe y’igihugu ya Australia ibitego 4-1.

Uyu Munyarwandakazi Mukansanga yagaragaye afata ibyemezo bijyanye n’isimburwa ry’abakinnyi banyuranye ndetse aza no kugena iminota yongerwa ku mukino.

Salima yavugishije imbaga nya mwinshi n’Isi yose muri rusange ubwo yari ayoboye umukino witabiriwe n’abafana barenga 40,875 ubwo yaturishaga umutoza Didier Deschamps wasaga n’aho atishimiye ibijyanye n’imisifurire.

Mukansanga yongeye iminota igera kuri 6 ubwo igice cya Mbere cyari kigiye kurangira ndetse yongeraho n’indi minota igera ku 8 ubwo umukino waganaga ku musozo.

Nyuma y’umukino, Mukansanga Salima yashimiwe na benshi barimo Impuzamashyirahamwe y’umupira w’amaguru muri Africa CAF, FERWAFA n’abandi banyuranye aho bose bahurizaga ku kuvuga ko uyu Munyarwandakazi abateye ishema.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO