Perezida wa Ukraine yagiranye ibiganiro na papa aho yizeye ukuboko kwe mu kugarura amahoro

Perezida wa Ukraine Volodymyr Zelenskyy nyuma yo kugirana ibiganiro na papa Francis kuri uyu wa kabiri, uyu mugabo yatangaje ko ibi biganiro bishobora kugira uruhare mu kugarura amahoro mu ntambara igihugu cy’Uburusiya cyashoje kuri Ukraine kuva kuwa 24 Gashyantare uyu mwaka.

Uyu mugabo yabwiye nyir’ubutungane Papa Francis ibibazo igihugu cye gikomeje gucamo ndetse n’ukuntu uburenganzira bwa muntu budakomeje kubahirizwa bishingiye cyane ku bitero Uburusiya bukomeje kugaba kuri iki gihugu mu bice bitandukanye.

Yakomeje kwizera ko ukaboko ka nyir’ubutungane Papa Francis mu kibazo c’iyi ntambara ngo guhari ndetse ibi ngo ni ibyo kwishimira.

Zelenskyy yagize ati’’Ndashimira nyir’ubutungane kubw’amasengesho ye ku gihugu cya Ukraine agamije kugarura amahoro.

Papa Francis yagarutsweho cyane muri aya makimbirane ari hagati y’ibihugu byombi nyuma yo gutangaza ko ibikorwa by’Uburusiya muri Ukraine ari ubwicanyi budafututse iki gihugu gikomeje gukorera abaturage ba Ukraine.

Kuri ubu ibyumweru bigiye kwihirika ari bine kuva Uburusiya bwashoza intambara kuri Ukraine ndetse ibikorwaremezo byinshi byarangiritse, umubare w’abagwa muri iyi ntambara ukomeje kwiyongera ndetse abarenga miliyoni eshatu bamaze guhunga iki gihugu berekeza mu bihugu by’abaturanyi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO