Nyuma yo kujugunywa na Arsenal ubu Aubameyang niwe ukomeje kuba umucunguzi wa Barcelona

Kuri ubu rutahizamu ukomoka mu gihugu cya Gabon nyuma yo kugirana ibibazo n’umutoza Mikel Arteta wa Arsenal nyuma akaza kujya muri FC Barcelona kuri ubu akomeje kuba umucunguzi w’iyi kipe irimo gutozwa n’uwahoze ari umukinnyi wayo Xavi.

Rutahizamu Pierre Emmerick Aubameyang wahoze ari umukinnyi w’ikipe ya Arsenal kuri ubu akomeje kuba umucunguzi wa Barcelona nyuma yo gufasha iyi kipe kugera muri kimwe cya kane cya Europa League mu ijoro rishyira kuwa gatanu aho uyu mukinnyi yaje kuba atsindira Barcelona igitego cy’intsinzi ubwo bakinaga na Galatasaray yo mu gihugu cya Turkey.

Byari mu mukino w’ishiraniro aho aya makipe yombi yari yaguye miswi umukino ubanza baje kunganya 0-0,mu ijoro ryakeye nabwo amakipe yombi yabanje kunganya igitego 1-1 gusa ku munota wa 49 nibwo uyu musore ukomoka mu gihugu cya Gabon yatsindiye ikipe ya Barcelona igitego cy’intsinzi mu mukino wari karundura.

Aubameyang w’imyaka 32 y’amavuko yasinyiye ikipe ya FC Barcelona ku buntu nyuma yo kurangiza amasezerano ye mu ikipe ya Arsenal yo mu gihugu cy’Ubwongereza ndetse uyu musore ukomoka mu gihugu cya Gabon akomeje kubera umugisha ikipe ya FC Barcelona dore ko kuva yagera muri iyi kipe akomeje kuyitsindira ibitego bitandukanye aho rukomeye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO