Nyuma yo kutitwara neza muri Bahrain Lewis Hamilton yamaze gutangaza ko intego afite zirenze gutwara irushanwa

Uyu Lewis hamilton ni icyogere muri Formula one ndetse amaze guhiga bagenzi be inshuro zigera ku munani,gusa nyuma yo kutitwara neza mu irushanwa rya Formula one muri Bahrain ubu noneho uyu mugabo yatangaje ko yiteguye gukomeza guhatana ngo akomeze kuba uwambere ku isi muri Formula One, nyuma yuko we n’umwunganizi we bakurikiranye umwe akaza ku mwanya wa gatatu naho undi akaza ku mwanya wa kane.

Uyu mugabo Lewis Hamilton yatangaje ko yiteguye impinduka zikomeye muri Formula One, iri rikaba ari irushanwa ry’isiganwa ry’imodoka.

Uyu mugabo mu irushanwa ry’imodoka rifungura ryabereye muri Bahrain yaje gutungurwa ubwo atagaragaye ku rubyiniro muri iri rushanwa mu batsinze dore ko we n’umwunganizi we, baje gukurikirana.

Nubwo bwose uyu mugabo amaze kuba umukinnyi mwiza mu gutwara imodoka dore ko yegukanye igihembo cy’umukinnyi mwiza muri Formula One ku isi inshuro umunani,Bwana Lewis Hamilton akomeje gutangaza ko n’ubundi akiteguye gukomeza kuba mwiza kurushaho muri iyi myaka iri imbere.

Bamubaza ku bijyanye n’intego ze muri Formula One uyu mugabo yagize ati "Ndatekereza ko ngomba gukomeza kugirana ibiganiro na Stefano tukicarana tukaganira maze tukibaza tuti niki twakora ni gute twakorera hamwe."

Uyu mugabo yagize ati" igihe nari nkiri muto ndetse ntangiye gukoresha cyane imbuga nkoranyambaga numvaga bigiye kumbera inzira nziza yo kubaka uburyo nakoramo ndetse nkuko mubizi uko ukurikirwa cyane ni nako ubona impinduka mu byo ukora.

Uyu mugabo ukomeye muri Formula One yakomeje abwira abantu ati ’’akenshi muri uyu mwuga uba wumva hari umwenda ufitiye abantu iyo utitwaye neza , gusa nanone ntabwo ibyo bishobora guhindura isi, gusa ntacyo bishobora guhindura kuko duhora turwana intambara zitandukanye muri uyu mwuga gusa namaze gutahura ko intego zanjye zishobora kuba zirusha ubushobozi kuba umutwazi w’imodoka ndetse intego zanjye zirusha ubushobozi gutsinda amarushanwa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO