Nyuma yo kuva muri Dream Boys, TMC yasubukuye umuziki

Mujyanama Jean Claude uzwi nka TMC nyuma yo kuva mu itsinda rya Dream Boys yabanagamo na mugenzi we Platini yasohoye indirimbo ye ya mbere yise “Uwantwaye.”

Nyuma yo gutandukana n’itsinda rya Dream Boys akaza kwerekeza muri Leta Zunze Ubumwe za Amerika umuhanzi TMC yatangiye gukora umuziki ku giti cye.

Ibi yabihereye ku ndirimbo y’urukundo yise “Uwantwaye” Iyi ndirimbo yayikoreye muri Amerika itunganywa na Producer Lick Lick, amashusho yo atunganywa na Sam kent.

TMC asohoye iyi ndirimbo mugihe mugenzi we Platini baririmbanaga mu itsinda rya Dream Boys amaze gusohora izirenga esheshatu.

Iyi ndirimbo ye nshya yayishyize ku rubuga rwa you tube rushya rwitwa TMC – Indatwa. Urwo bari bahuriyeho na Platini rufite abantu barenga ku bihumbi 65 rwasigaranywe na Platini dore ko yaje no kuruhindurira izina.

TMC atuye mu mujyi wa Columbia, yavuye mu Rwanda mu ntangiriro za 2020 arangije Icyiciro cya gatatu cya Kaminuza mu byo gucunga no kugenzura imishinga.

Uyu muhanzi wageze muri Amerika yifuza kwiga ‘Doctorat’ yasanze bitoroshye, ahitamo gusubira mu Cyiciro cya gatatu cya Kaminuza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO