Nyuma yo kwegukana igikombe cy’Isi agikuye mu menyo ya rubamba Messi ibyo gusezera mu ikipe y’igihugu ntabwo abikozwa

Kizigenza Lionel Messi nyuma yo kwegukana igikombe cy’Isi yikuye mu menyo y’abasetsi yatangaje ko adashobora guhagarika gukinira ikipe y’igihugu ya Argentine kuko ngo byamuteye imbaraga zikomeye.

Lionel Messi yaraye ahesheje ikipe y’igihugu ya Argentine igikombe cy’Isi aho yagikuye mu menyo ya rubamba nyuma yo kubanza gutsinda Ubufaransa ibitego 2 -0 ariko bikaza kwishyurwa mu gice cya Kabiri cy’umukino.

Nyuma yo kwishyurwa Argentine yakomeje kwihagararaho mu minota 30 y’inyongezo ndetse Messi yongeye gutsinda igitego cya Gatatu cya Argentine ariko n’ubundi biba iby’ubusa ubwo Kylian Mbappe yatsindaga igitego cye cya Gatatu ndetse kikaba n’icya Gatatu ku Bufaransa birangira umukino ubaye mu bisi banganya ibitego 3-3.

Haje kwiyambazwa Penaliti maze ikipe y’igihugu ya Argentine yongera gutwara igikombe nyuma y’imyaka 36 itagikozaho imitwe y’intoki ndetse ibi byanejeje Messi ku buryo bukomeye cyane.

Nyuma yo gutwara iki gikombe Messi yatangaje ko azakomeza gukinira ikipe y’igihugu ya Argentine ndetse ngo ntabwo yifuzaga gusezera.


Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO