Nyuma yo kwikirigita bagaseka Chelsea ntabwo ikibonye Robert Lewandowski

Rutahizamu w’ikipe ya Bayern Munich yo mu gihugu cy’Ubudage ariwe Robert Lewandowski yamaze gutangariza ikipe ye ya Bayern Munich ko atifuza kongera amasezerano mashya ahubwo yifuza kwerekeza mu ikipe ya FC Barcelona.

Mu minsi ishize inkuru zakomeje gukwirakwira hirya no hino ko uyu rutahizamu w’imyaka 33 y’amavuko ngo ashobora kwerekeza mu ikipe ya Chelsea mu gihugu cy’Ubwongereza gusa uyu mukinnyi yamaze gukurira inzira ku murima iyi kipe aho we yamaze gutangaza ko yifuza kwerekeza mu gihugu cya Espagne mu ikipe ya Barcelona.

Amasezerano y’uyu mukinnyi mu ikipe ya Bayern Munich yagombaga kugeza mu mpeshyi y’umwaka utaha wa 2023 gusa uyu mukinnyi yamaze gutangaza ko atagifite ubushake na buke bwo gukinira ikipe ya Bayern bityo ko bamureka akishakira indi kipe yerekezamo aho hakomeje kuvugwa cyane ikipe ya Barcelona y’umutoza Xavi.

ikinyamakuru The Gurdian giherutse gutangaza ko ikipe ya Chelsea ishishikajwe cyane no gusinyisha rutahizamu Lewandowski nyuma yo guhomberwa bikomeye na Romeru Lukaku waguzwe akayabo ka miliyoni 97 z’amayero gusa akaza guhombera iyi kipe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO