Ibi byigaragaje mu mukino wa 1/2 mu ijoro ryakeye aho byageze ku munota wa 90 w’umukino ikipe ya Real Madrid ikiri inyuma gusa byasabye iminota itagera ku 10 ngo isezerere Manchester City.

Nyuma y’uyu mukino umutoza wa Real Madrid Carlo Ancelotti yatangaje ibanga ikipe ya Real Madrid ikoresha mu guhigika andi makipe.

Umutoza Carlo Ancelotti yagize ati" Kuba twarasezereye Paris Saint Germain,Chelsea ndetse na Manchester City hari impamvu.

Impamvu ntayindi ahubwo amateka akomeye y’iyi kipe adufasha guhora duhatana niyo twaba tugeze kure hashoboka.

Yakomeje avuga ko umukinnyi wese wambaye umwenda wa Real Madrid aba azi ko ikipe yabo ifite ibigwi kandi ko bagomba kuyitangira ku buryo bufatika.

Kuri ubu nyuma y’imyaka 5 ikipe ya Real Madrid igiye kongera guhura n’ikipe ya Liverpool ku mukino wa nyuma muri Champions League dore ko amakipe yombi yaherukaga guhura mu mwaka wa 2018 ubwo Real Madrid yatsindaga ku mukino wa nyuma Ikipe ya Liverpool ibitego 3-1.

Reba umukino wa nyuma wa Champions League uheruka guhuza aya makipe yombi 2018 ubwo Real Madrid yandagazaga Liverpool