Nyuma yo kwisasira Atletico Madrid Guardiola arasaba abakinnyi be kugenzura amarangamutima yabo mu gihe bakiniwe nabi

Umutoza w’ikipe ya Manchester City Pep Guardiola ukomoka mu gihugu cya Espagne yamaze gusaba abakinnyi be kwitwararika bakagenzura amarangamutima yabo mu gihe ikipe bahanganye ibakiniye nabi ibi yabitangaje amaze kwisasira Athletico Madrid muri Champions League mu ijoro ryakeye.

Mu ijoro ryo kuri uyu wa kabiri hakinwaga umukino wo gukuranwamo mu irushanwa rihuza amakipe yabaye ayambere i wayo (Champions League) muri uyu mukino warangiye ikipe ya Manchester City itsinze igitego 1-0, ikipe ya Athletico Madrid itozwa n’umutoza Diego Simeon yaje gukina nabi ubwo umukinnyi Angel Correa yakiniraga nabi umukinnyi Jack Grealish.

Ibi bikimara kuba, umutoza Pep Guardiola yahise yihutira kujya kubwira umukinnyi wa Athletico Madrid ko arimo gukinira nabi abakinnyi be.

Umutoza Guardiola yatangaje ko n’ubundi yiteze ko ikipe ya Athletico Madrid izabakinira nabi no mu mukino utaha wo kwishyura dore ko uteganyijwe mu cyumweru gitaha ku kibuga Metropolitano mu gihugu cya Esipagne.

Gusa umutoza Guardiola yasabye abakinnyi be kugerageza kuzagenzura amarangamutima yabo bakirinda gushyuha mu mutwe dore ko we atangaza ko ikipe ya Athletico Madrid izaza igamije kubashyushya mu mutwe ndetse uyu mutoza yemeza ko nawe yiteguye hamwe n’ikipe ye.

Yakomeje atangaza ko umusifuzi azaba yiteguye gukora akazi ke kandi neza ndetse akomeza anavuga ko nabo akazi kabo ari ukuzakina umupira mwiza bakirinda kuzivanga mu bijyanye n’imisifurire

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO