Olempike: Agahozo w’u Rwanda na Kaze w’u Burundi basezerewe; Francine Niyonsaba akurwa mu irushanwa

Agahozo na Keza ntibabashije kuza mu bakinnyi 16 bakoresheje ibihe bito kurusha abandi batangajwe nk’abakomeje mu kiciro kibanziriza ‘final’, Mu gihe Francine Niyonsaba yakuwe mu irushanwa.

Mu itsinda rya kabiri yari arimo, Alphonsine Agahozo w’u Rwanda yabaye uwa mbere mu gusiganwa 50m mu koga akoresheje amasegonda 30.50.

Mu itsinda rya mbere Kaze Odrina w’u Burundi yabaye uwa kabiri akoresheje 33.39 mu koga 50m.

Aha mu bagore basiganwa 50m freestyle, harimo amatsinda 11 arimo abakinnyi bose hamwe barenga 70.

Abo 16 uwa mbere yakoresheje amasegonda 24.02 kugera ku wakoresheje amasegonda 24.77, umunyafurika urimo ni Melanie Chelius wa South Africa wakoresheje 24.65.

Mu bagabo mu koga 50m, Maniraguha Eloi w’u Rwanda yabaye uwa karindwi mu itsinda ry’abakinnyi umunani, na we arasezererwa.

Francine Niyonsaba w’u Burundi na Marthe Yankurije w’u Rwanda, mu itsinda rya kabiri bari barimo bombi mu kwiruka 5,000m mu bagore, nabo basezerewe.

Mu gihe uwa mbere TSEGAY Gudaf yakoresheje iminota 14:55, Marthe Yankurije yabaye uwa nyuma akoresheje iminota 15:55.

Naho Francine Niyonsaba yavanywe mu isiganwa aregwa kurikoreramo ikosa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO