Olivier Giroud yaciye agahigo mu ikipe y’igihugu y’Ubufaransa mu gutsinda ibitego byinshi

Ikipe y’igihugu y’Ubufaransa yisasiye afurika y’Epfo mu mukino wa gicuti wahuje ibihugu byombi aho muri uyu mukino Olivier Giroud yaje gutsindamo igitego aho ubu yamaze kuba umukinnyi wa kabiri umaze gutsinda ibitego byinshi mu ikipe y’igihugu.

Mu mukino wabaye mu ijoro ryo kuwa kabiri taliki ya 29 Werurwe 2022 ikipe y’igihugu y’Ubufaransa yakinnye umukino wa gicuti n’ikipe y’igihugu ya Afurika y’Epfo aho uyu mukino waje kurangira ikipe y’Ubufaransa inyagiye Afurika y’Epfo ibitego 5-0.

Muri uyu mukino Mbappe yarigaragaje cyane gusa uyu mukino watumye Olivier Giroud ashyiraho agahigo gakomeye dore ko kuri ubu uyu mugabo ufite imyaka 35 y’amavuko kuri ubu yamaze kuba umukinnyi wa kabiri umaze gutsinda ibitego byinshi mu mateka y’ikipe y’igihugu.

Uyu mugabo amaze gutsindira ikipe y’igihugu ibitego 48 mu mikino 112 uyu mugabo aza ari uwa kabiri nyuma ya Thierry Henry umaze gushyiraho uduhigo 2 nyuma y’uko we yatsindiye ikipe y’igihugu ibitego 51 mu mikino 123.

Muri uyu mukino Mbappe yatsinzemo ibitego 2 ku munota wa 23 n’uwa 76 ndetse umukinnyi Olivier Giroud nawe yatsinze igitego ku munota wa 33.

Umukinnyi Guendouzi nawe yatsinze igitego ku munota wa 92 hashyizweho inyongera ndetse no ku munota wa 81 Ben Yedder yari yatsinze ikindi gitego bituma umukino urangira Ubufaransa butsinze Afurika y’Epfo ibitego 5-0.

Ikipe y’igihugu y’Ubufaransa imaze gushyiraho agahigo ko kudatsindwa mu mikino yo gushaka itike yo kujya mu gikombe cy’isi ndetse kuri ubu iyi kipe yamaze kubona itike yo kujya mu gikombe cy’isi kigomba kubera muri Quatar uyu mwaka, gusa ikipe ya Afurika y’Epfo yo yamaze gusezererwa kuko ntabwo izajya mu gikombe cy’isi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO